Me rastin e ditëlindjes së Kadares – nga Rexhep Hoti

0
91
TO GO WITH STORY BY LAURENT LOZANO Albanian novelist Ismail Kadare gestures during an interview with AFP on February 8, 2015 in Jerusalem. Born in 1936 in the Albanian mountain town of Girokaster, Kadare has won a number of prestigious prizes including the first international Man Booker Prize in 2005. AFP PHOTO/ GALI TIBBON

Me rastin e ditëlindjes së 82-të të lindjes së shkrimtarit Ismail Kadare. Këtë poezi e kam shkruar në vitin 1996, pas takimit të parë me Kadarenë.

Rexhep Hoti – Në Frankfurt a. M. (1996)

Nga takimi me I. Kadarenë

Autostrada dridhej e zhdridhej tutje,
Si një shtatvajzë kur lehtas e prek dora.
Ngjan ky kurriz I përhirtë
Me një dinozaur përplot me morra.

(Të ketë pasur morra në atë kohë?)

Shfaqet Frankfurti a. M. Më në fund,
I ngarkuar si plaka në përrallë.
Policët shfrynin më tepër se zakonisht,
Të gjorët kanë punë me shkrimtarë.

(Piramida e panairit ishte emocionuar nga fjalimi i H. Kohl-it)

Ç’kërkon tek ajo stendë, o vagabond!
Te ai shpend i mbuluar me gjak.
Ti i ikur nga Kosova këtu ç’pret?
Ti që as humbjen s’e ke hak.

(Arroganti trupgjatë dëshironte ta shihte një shkrimtar)

Vraponte nëpër labirintet e panairit,
Nëpër atë lëmsh të librit botëror,
Te stenda franceze ca fjalë murmuriti
Dhe u largua duke iu bërë me dorë.

(Diçka po zhbëhej në atë shpirt të vrazhdë)

Mbi cingërimën e telefonit frymëmarrje e thellë,
Sintaksa e kishte humbur fjalën.
Bota mbeti befas memece,
Një çast po e shuante kalljen.

(Në hotelin «Marriott», Gjeniu pinte kafe me një vagabond)!

Frankfurt a. M., tetor 1996

Nga vëllimi poetik «Përzierje e trishtë», 2002, Rilindja, Prishtinë
P.S.: Lejohet kopjimi dhe shpërndarja.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.